A VENTÁ DE LUGO é unha iniciativa promovida pola Concellería de Asuntos Xerais do Concello de Lugo, co obxectivo de difundir entre os cidadáns as vantaxes de realizar os trámites co Concello a través de Internet.

A partir do 24 de xuño, a maior parte das túas xestións coa Administración van ser moito máis sinxelas.

Que é a e-Administración?
Para que serve?
Como podo acceder a ela?
Onde me podo informar?

Para resolver estas dúbidas poremos a túa disposición:

Un monitor que informarache, guiará os teus pasos e axudarache a descubrir as potencialidades da e-Administración.

Faremos charlas de luns a sábados ata o 29 de xuño de 2010, en 8 telecentros rurais, aprenderemos tamén a utilizar os 7 quioscos da e-Administración situados nas diferentes dependencias municipais.

É o momento de que descubras os beneficios que as novas tecnoloxías poden achegar á túa vida e os beneficios de realizar trámites co Concello desde a túa casa.

Visítanos e coa axuda dun monitor coñecerás as vantaxes de facer trámites desde internet, na rúa, na túa casa ou en calquera lugar:

- Socilita a túa consulta médica
- Coñece o teu cadro médico
- Coñece as ofertas de emprego
- Goza dunha ampla oferta cultura
- Realiza as túas compras online
- Licenzas de caza e pesca
- Información ao consumidor (OMIC)
- Comunicación de avisos e incidencias desde a túa casa
- ...

As aulas están equipadas cos últimos medios tecnolóxicos, equipos informáticos e conexión a internet.

Concierta unha sesión gratuíta chamando ao teléfono 010 ou a través da web www.aventádelugo.es